Azərbaycan Ədliyyə Nazirliyi tabeliyində olan qurumların İKT ilə təchizatını təkmilləşdirir

Azərbaycan Ədliyyə Nazirliyi struktur qurumlarının və məhkəmələrin informasiya-kommunikasiya texnologiyaları ilə təchizatını təkmilləşdirir.
 
"ICTnews" xəbər xidmətinin məlumatına əsasən, nazirlik kompüter, kartric və tonerlərin alınması və doldurulmasını, İKT avadanlıqlarına texniki dəstək xidmətlərinin göstərilməsi üzrə xidmətlərin təmin edilməsini planlaşdırır.
 
Hazırda bununla bağlı müxtəlif İT şirkətlərin təklifləri nəzərdən keçirilir və bu ilin birinci rübünün sonuna kimi qeyd edilən xidmət və məhsul təchizatçılarının müəyyən edilməsi gözlənilir.
 
Aynur Vəliyeva
 

---