“iPhone” istifadəçiləri artıq əllərini ciblərindən çıxarmadan avtomobillərini işə sala biləcəklər

"Apple" şirkəti "iPhone" vasitəsi ilə avtomobilin bəzi funksiyalarına çıxış və  aktivləşdirməni patentləşdirib.
"ICTnews" xəbər xidmətinin məlumatına əsasən, bu texnologiya təcrübədə reallaşdırıldığı halda avtomobil sahibləri öz smartfonlarını avtomobili işə salmaq üçün istifadə edəcəklər.
 
ABŞ-da "Apple" şirkəti "nəqliyyat vasitələri üçün yazılar daxil olmaqla aktivləşdirmə haqda məlumatların ötürülməsi üzərindən nəqliyyat vasitələrinə çıxış əldə edən əsas "portativ vasitə"yə patent alıb.
 
Patentin təsvirinə əsasən, "Bluetooth" vasitəsi ilə portativ qurğu avtomobillə əlaqələndirilir. Ötən ilin payızında "Apple" şirkəti "iPhone" vasitəsi ilə avtomobilə çıxış imkanı təqdim edən oxşar texnologiyanı və qeofensing texnologiyası ilə təchiz edilmiş əlavə qurğunu patentləşdirib.
 
 Beləliklə, cibində "CarPlay" sistemi ilə uyğunlaşdırılmış "iPhone" qurğusu olan sürücü avtomobilinə yaxınlaşdıqda onu asanlıqda avtomatik aça bilər. "iPhone" burada aktiv radionöqtə rolunu oynayır. Sürücü yük yerinə yaxınlaşdıqda smartfon qeofesing qurğusu ilə birgə şəkildə avtomobilin sahibinin yerləşdiyi yeri müəyyən edir və sistem yük yerini avtomatik açır.
 
 Qeyd edək ki, hazırda ABŞ-da "EyeLock" şirkəti tərəfindən göz qişasının istifadəsi ilə  eyniləşdirmə sisteminin avtomobil sahəsində istifadəsi üzərində işlər aparılır. İnfraqırmızı skanerlər eynəklərdə və ya arxa görünüş güzgüsündə quraşdırılır və hər bir insan göz qişasında 240 unikal parametrlər haqda məlumat toplayır. Skanlaşdırılmış sima yaddaşda olan məlumatlarla müqayisə edilir və bundan sonra mühərriki işə salmaq mümkün olar.
 
Aynur Vəliyeva  

---