“LG” şirkəti yeni smartfonlarını nümayiş etdirib

Cənubi Koreyanın “LG” şirkəti “Mobile World Congress” (MWC) sərgisində orta sinif smartfonların yeni istehsal xəttini təqdim edəcək. Yeni istehsal xəttinə 4 model (“Magna”, “Spirit”, “Leon” və “Joy”) daxildir.
 
"ICTnews" elektron xəbər xidməti “itc.ua” saytına istinadən bildirir ki, “LG Magna” modeli “in-cell touch” texnologiyasına malik 5 düymlük formatlı ekrana malikdir və dördnüvəli prosessorla təchiz edilib. 8 meqapiksellik əsas kameradan başqa smartfon 5 meqapiksellik ön kamera ilə təchiz edilib. Akkumulyator batareyasının tutumu 2540 milliamper/saat təşkil edir.
 
“LG Spirit” smartfonunun ölçüsü bir az yığcamdır, 4,7 düymlük ekranla təchiz edilib. “LG Leon” modeli 4,5 düymlük formatlı və “LG Joy” modeli 4 düymlük ekranla təchiz edilib.
 
4 modelin hər biri 1 QB-lıq əməli yaddaş və 8 QB-lıq daşıyıcı ilə təchiz edilib.
 
“LG Magna”, “LG Spirit”, “LG Leon” və “LG Joy” smartfonlarının tədarükünə artıq bu həftə başlanılacaq.
 
Emil Hüseynov

---