Korporativ mühitdə planşetlərdən istifadə artacaq

"IDC" analitik şirkətinin məlumatına əsasən, Qərbi Avropada planşet bazarının artımı korporativ satışların köməyi ilə stimullaşdırılacaq. Şirkətin mütəxəssisləri hesablayıblar ki, 2019-cu ildə Qərbi Avropada korporativ istifadəçilər üçün planşetlərin satış həcmi 11 milyona çatacaq ki, bu da 2014-2019-cu illərdə 130 faiz illik artıma uyğundur.

"ICTnews" elektron xəbər xidməti "it-weekly.ru" saytına istinadən bildirir ki, 2010-cu ildə ilk planşetin yaradılması anından belə qurğular əsasən istifadəçi seqmenti üzrə irəliləyib. Bununla belə, şirkətlər planşetlərini işgüzar məsələlərin həlli üçün təkmilləşdirir, məsələn, gücləndirilmiş təhlükəsizlik vasitələri ilə təchiz edirlər.

"IDC"-nin analitiklərinin gözləntilərinə görə, 2015-ci ildə Qərbi Avropada korporativ seqmentdə planşetlərdən istifadə ötən illə müqayisədə iki dəfə yüksələcək. İşgüzar mühitdə planşetlərdən başqa, hibrid qurğulardan aktiv istifadə gözlənilir.

Emil Hüseynov

---