“Android” üçün yeni təhlükəli virus aşkarlanıb

"Doktor Veb" antivirus şirkəti "Android" mobil əməliyyat sisteminin idarəetməsi ilə işləyən qurğu sahibləri üçün təhlükəli zərərli proqram aşkar edib.

"Android.Toorch.1.origin" adlı proqram istifadəçilər üçün gizlicə əlavələr quraşdıra və silə, eləcə də reklam daxil edə və yoluxdurulmuş qurğular haqqında ətraflı məlumatlar toplaya bilər.

"Android.Toorch.1.origin" fotoişıqlandırmanın (fənər funksiyası) daimi yandırılması üçün əlavədə gizlənir və populyar proqram təminatı sayt kataloqları vasitəsilə yayılır və smartfon və ya planşetə müxtəlif reklam modullarının köməyi ilə yüklənir.

Heç nədən şübhələnməyən istifadəçi virusu quraşdırdıqdan sonra o, cinayətkarların serverinə qoşulur və ora yoluxdurulmuş qurğu barədə informasiya (cari vaxt və olduğu yer, IMEI identifikator, marşrutlayıcıya çıxış və s.) göndərir.

Həmçinin zərərli proqram istifadəçi bu və ya digər proqramı quraşdıran zaman yoluxdurulmuş qurğuların ekranında reklamın göstərilməsi üçün nəzərdə tutulan quraşdırılmış "Adware.Avazu.1.origin" reklam platformasını işə salır.

"Android.Toorch.1.origin" ilə mübarizə üçün "Doktor Veb" mütəxəssisləri xüsusi yardımçı kompüter proqramı (utility) yaradıblar, - "DailyComm" yazır.