“Elektron hökumət” portalı şagirdlərin də işini asanlaşdırıb

Ümumtəhsil məktəbləri şagirdləri yekun qiymətləndirmə ilə bağlı məlumatlarını “Elektron hökumət” portalı üzərindən onlayn şəkildə yoxlaya bilərlər.
 
 
Rabitə və Yüksək Texnologiyalar Nazirliyinin Məlumat Hesablama Mərkəzindən verilən məlumata görə, ümumi təhsili həyata keçirən təhsil müəssisələrində ümumtəhsil fənləri üzrə biliyinin yekun qiymətləndirilməsi (attestasiyası) aparılan şagirdlər Tələbə Qəbulu üzrə Dövlət Komissiyasının “Şagird-məzun sistemi”ndə özləri haqqında məlumatları internet vasitəsilə yoxlaya bilərlər.
 
 
Bunun üçün “Elektron hökumət” portalına (www.e-gov.az) daxil olub, komissiyanın göstərdiyi “Ümumi təhsili həyata keçirən təhsil müəssisələrində ümumtəhsil fənləri üzrə biliyinin yekun qiymətləndirilməsi (attestasiyası) aparılan təhsilalanların TQDK-nın “Şagird-məzun sistemi”ndə özləri haqqında məlumatları internet vasitəsilə yoxlaması” xidmətini seçərək istifadəçi adını, şifrəni və tədris ilini qeyd etmək tələb olunur.
 
 
Qeyd edək ki, 2014/2015-ci tədris ilində ümumtəhsil müəssisələri üzrə yekun qiymətləndirmə ilə bağlı təqvim planının növbəti yekun təsdiq mərhələsi davam etməkdədir. Bununla əlaqədar olaraq, şagirdlərin cari tədris ilinə aid illik qiymətləri təhsil müəssisələrinin əlaqələndiriciləri tərəfindən “Şagird-məzun” sisteminə daxil edilərək təsdiqlənməsi iyunun 14-də yekunlaşacaq.
 
 
CAHANGİR


 

---