Dövlət Neft Fondu proqram təminatını yeniləyir

Azərbaycan Dövlət Neft Fondu ölkənin aparıcı İT şirkətlərindən biri olan “R.İ.S.K.” Elmi İstehsalat Şirkəti ilə müqavilə imzalayıb.
 
“ICTnews” xəbər xidmətinin məlumatına əsasən, müqavilə şərtlərinə görə, “R.İ.S.K.” şirkəti Dövlət Neft Fondunda “Portfel İdarəetmə və Mühasibatlıq Sistemi” proqram təminatının quraşdırılması üçün tələb olunan avadanlıqların təchizatını və onların quraşdırılmasını həyata keçirməlidir. 
 
Azərbaycan Dövlət Neft Fondu ilə “R.İ.S.K.” Elmi İstehsalat Şirkəti arasında imzalanan müqavilənin ümumi dəyəri 82 min 596 manat təşkil edir.
 
Aynur Vəliyeva
 

---