Bir ayda yaşayış yeri haqqında 3 minə yaxın arayış elektron qaydada əldə edilib

Rabitə və Yüksək Texnologiyalar Nazirliyinin Məlumat Hesablama Mərkəzi ötən ay ərzində yaşayış yeri haqqında elektron arayışla bağlı statistikanı təqdim edib.
 
May ayında vətəndaşlar “Elektron hökumət” portalı üzərindən 2960 dəfə “Yaşayış yeri haqqında arayış” formalaşdırıb.
 
Vətəndaşlar portalda qeydiyyatdan keçərək bu e-xidmətə daxil olub, qeydiyyatda olduğu ünvan və doğulduğu yer haqqında arayışı formalaşdıra bilir.  E-arayışın elektron şəkildə göndərilməsi və çap edilərək aidiyyəti quruma təqdim edilməsi mümkündür. 
 
CAHANGİR

---