Hibrid qurğuların tədarükü 70 faiz yüksələcək

“Gartner” analitik şirkətinin yeni proqnozuna əsasən, 2015-ci ildə hibrid kompüter qurğularının qlobal tədarükü 21,5 milyona yaxınlaşacaq, bu da 2014-cü ilin göstəricisindən 70 faiz daha yüksəkdir.
 
Analitiklərin qiymətləndirməsinə görə, cari ildə mobil fərdi kompüterlərin ümumi satış həcminin 12 faizi hibrid qurğuların payına düşəcək və 2019-cu ildə bu fərq 26 faizədək yüksələcək.
 
 
"ICTnews" elektron xəbər xidməti “dailycomm.ru” saytına istinadən bildirir ki, gözləntilərə görə, cari ildə hibrid modellərin tədarük həcmində 8 milyon "2-v-1" planşetlər, 13,5 milyonu isə çıxarılan və fırlanan displeyə malik noutbuk-transformerlər olacaq.
 
"2012-ci ildən hibrid qurğulara tələbat yüksəlir. 2014-cü ildə bu tip qurğuların satış həcmi 12,6 milyon olub, 2019-cu ildə bu göstərici 58 milyona yaxınlaşacaq" – “Gartner”in analitiki Treysi Tsay yazır.
 
Analitiklər “ASUS” şirkətini hibrid qurğular bazarının lideri adlandırır. 2014-cü ildə Tayvan şirkəti ötən ilin nəticəsini 263 faiz yaxşılaşdıraraq 3,1 milyon hibrid qurğu tədarük edib. Hibrid qurğular bazarında Tayvan şirkətinin bazar payı 41 faizə çatıb.
 
Emil Hüseynov
 

---