Yevgeni Kasperski: “Smart TV”-lər haker hücumuna məruz qalacaq”
“Kasperski laboratoriyası” şirkətinin təsisçisi və rəhbəri Yevgeni Kasperski istifadəçiləri müasir televizorlara mümkün haker hücumları barədə xəbərdarlıq edib.
“Kompüterlər, mobil qurğular yoluxdurulur. Növbəti hədəf nə olacaq? Əminəm ki, bu dəfə tam yeni hücum növü “ağıllı” televizorlara olacaq”, - o bildirib.
Onun sözlərinə görə, televizor və ya digər texnika internetə qoşulubsa, deməli, onların hücumlara məruz qalmasını ehtimal etmək olar. “İnternetə çıxışı olan, şəbəkəyə qoşulan bütün avadanlıqlar gec-tez haker hücumuna məruz qalacaq”, - şirkət rəhbəri qeyd edib.
Bununla yanaşı, virus hücumlarına şəbəkəyə qoşulan digər texnika, o cümlədən saatlar, qəhvəbişirənlər və tozsoranlar məruz qala bilər. “Kasperski laboratoriyası” hər gün 300 mindən çox yeni zərərli fayl aşkar edir. “2004-cü ildə aşkar olunan virusların sayı 500 min, 2014-cü ildə 260 milyon olub”, - Y.Kasperski deyib, -
“Qazeta” yazır.