Bakının mərkəzi ATS-lərindən birində yeni intellektual platforma tətbiq edilir

Azərbaycan Rabitə və Yüksək Texnologiyalar Nazirliyinin Beynəlxalq Əlaqələr və Hesablaşmalar Mərkəzi tərəfindən 594, 595 ATS-nin binasında yeni texnologiya tətbiq edilir.
 
Rabitə və yüksək texnologiyalar nazirinin birinci müavini İltimas Məmmədovun "ICTnews" xəbər xidmətinə verdiyi məlumata əsasən, bu, çox böyük intellektual imkanlara malik olan "IMS" platformasıdır.
 
"Bu platformanın imkanları hazırda sabit şəbəkədə tətbiq edilmiş NGN-in verdiyi imkanlardan daha üstündür. "IMS" sistemi vasitəsi ilə insan mobil telefonla danışaraq evinə daxil olduğu anda avtomatik mobil şəbəkədən sabit şəbəkəyə yönəlir və abunə danışığını artıq sabit şəbəkə vasitəsi ilə davam etdirə bilir", - deyə nazirin birinci müavini qeyd edib.
 
Aynur Vəliyeva

---