2018-ci ildə mobil telefonların 93 faizini smartfonlar təşkil edəcək

2013-cü ilin birinci rübündə bütün mobil telefonların rüblük tədarük həcminin 50 faizindən çoxunu ilk dəfə smartfonlar tutub. "IC Insights" şirkətinin analitiklərinin proqnozuna əsasən, 2015-ci ilin dördüncü rübündə smartfonların tədarük həcmi 435 milyona çatacaq ki, bu da ümumi tədarük həcminin 80 faizi deməkdir.
 

"ICTnews" elektron xəbər xidməti "dailycomm.ru" saytına istinadən bildirir ki, mütəxəssislər, həmçinin əlavə ediblər ki, hələ 2013-cü ilin nəticəsinə görə smartfonlar 50 faizlik həddi ötüb. Gözləntilərə görə, 2018-ci ildə artıq bazara tədarük olunan bütün mobil telefonlar "ağıllı" kateqoriyasına şamil ediləcək.
 
Paralel olaraq smartfon seqmentinə aid olmayan daha sadə aparatların tədarükü azalacaq. 2013 və 2014-cü illərdə sadə aparatların tədarük həcmi müvafiq olaraq 18 və 23 faiz azalıb və 2015-ci ildə isə artıq 27 faizlik azalma qeydə alınacaq.
 
Bütövlükdə 2015-ci ildə mobil telefonlar bazarının həcmi yalnız 3 faiz artacaq. Ötən illə müqayisədə irəliləyiş 2 faiz azalacaq.
 
Emil Hüseynov
 

---