Qlobal poçt trafikində spamın payı ilk dəfə 50 faizdən aşağı düşüb

“Symantec” şirkəti qlobal poçt trafikində spam məktublarının həcminə dair növbəti hesabatını dərc edib.
 
Hesabata əsasən, 2015-ci ilin iyununda qlobal poçt trafikində spamın payı 49,7 faiz təşkil edib. Sonuncu dəfə belə aşağı göstərici 2003-cü ilin sentyabrında qeydə alınıb.
 
"ICTnews" elektron xəbər xidməti “htech.newsru.ru” saytına istinadən bildirir ki, “Symantec” şirkətinin gündəlik monitorinq məlumatlarına əsasən, iyulda spamın payı azalıb və bəzi günlərdə təxminən 44-45 faiz təşkil edib.
 
Poçt trafikində spamın həcmi bir neçə səbəbdən tədricən azalır. Spamla mübarizənin gücləndirilməsi bu prosesdə öz rolunu oynayır.
 
Emil Hüseynov
 

---