“Nokia” virtual reallıq kamerasını təqdim edib

Finlandiyanın "Nokia" şirkətinin təqdim etdiyi virtual reallıq kamerası film, televiziya proqramı çəkməyə imkan verəcək.
 
"ICTnews" elektron xəbər xidməti "bbc.com" saytına istinadən bildirir ki, "OZO" adlı kamera kürə formasındadır. Qurğu 8 obyektiv və 8 ayrıca mikrofonun köməyi ilə real vaxt rejimində panorama şəklini izləməyə imkan verir.
 
Qurğu, hər şeydən əvvəl peşəkar məzmun istehsalçıları üçün nəzərdə tutulub.
 
"Biz ümid edirik ki, yaxın gələcəkdə virtual reallıq insanların informasiya, əyləncə, xəbərlər və bir-biri ilə qarşılıqlı əlaqəsini zənginləşdirəcək. Biz "OZO" qurğusu ilə bu inqilabın mərkəzi hissəsi olmağı planlaşdırırıq" – şirkətin bəyanatında belə deyilir.
 
Emil Hüseynov

---