“Acer” və “Asustek Computer” şirkətləri hesabat veriblər

“Acer” və “Asustek Computer” şirkətləri avqust ayının nəticələri haqqında hesabat veriblər. Hər iki Tayvan istehsalçısında 2011-ci ilin iyul ayı ilə müqayisədə gəlir artımı qeyd olunub.

“Asustek” şirkəti bildirib ki, avqust ayında ümumi mədaxili 1,15 milyard ABŞ dolları olub, bu isə keçən ayın göstəricisini 4,43% və illik göstəricini isə 26,95% ötür.

“Acer” şirkətinə gəlincə, onun avqust ayında ümumi gəliri təxminən 1.09 milyard dollar təşkil edib, bu isə keçən ayın göstəricisini 3,06% ötür. Bununla belə, 2010-cu ilin analoji dövrü üçün rəqəmlərin müqayisəsi mədaxilin 40% azalmasını göstərir.

---