Şəffaf smartfon prototipi nümayiş etdirilib

Gələcəyin smartfonları "5G", "3D" kameralar, çox möhkəm qrafen korpuslarla təchiz edilə bilər. Ötən həftə Çində şəffaf korpusla təchiz edilmiş smartfon nümayiş etdirilib.
 
Hələ ki yalnız prototip şəklində mövcud olan qurğunu "Lenovo" şirkəti tərəfindən maliyyələşdirilən yeni "ZUK" şirkəti nümayiş etdirib.
 
Məlumat üçün bildirək ki, bu həftə "ZUK" şirkətinin təqdim etdiyi "Z1" smartfonu tezliklə satışa çıxarılacaq. Qurğu 5,5 düymlük "Full HD" formatlı ekran, 3 QB əməli yaddaş, "Qualcomm Snapdragon 801" prosessoru və ənənəvi "microUSB" əvəzinə "USB Type C" portu ilə təchiz edilib.
 
Emil Hüseynov

---