Naxçıvan MR-də quraşdırılan POS-terminalların sayı 1000-i keçib

Naxçıvan Muxtar Respublikasında indiyədək 1000-dən artıq POS-terminal quraşdırılıb.
 
“ICTnews” elektron xəbər xidmətinin məlumatına görə, bu, MR-in cari ilin 8 ayı üzrə sosial-iqtisadi inkişafına dair hesabatda əksini tapıb.
 
Bu ilin yanvar-avqust aylarında muxtar respublikada 147 POS-terminal quraşdırılıb və bu göstərici 1 sentyabr 2015-ci il tarixə 1014-ə çatdırılıb.
 
Qeyd edək ki, POS-terminallardan geniş istifadə vəsaitlərin dövriyyəsinin sürətləndirilməsinə, nağd pulların daşınması, saxlanması və təsərrüfat əməliyyatları xərclərinin azaldılmasına müsbət təsir göstərib.
 
CAHANGİR

---