«3D» printer bazarında sürətli artım proqnozlaşdırılıb

«Gartner»in analitikləri yaxın gələcəkdə qlobal həcmli çap bazarında sürətli artım proqnozlaşdırır.
 
 
«ICTnews.az» saytı «dailycomm.ru» saytına istinadən yazır ki, tədqiqatçıların proqnozuna görə, 2015-ci ildə dünyada 244533 ədəd «3D» printer buraxılacaq, gələn il isə tədarükün həcmi 103 faiz artacaq. 2016-dan 2019-cu ilədək bu qurğuların tədarükü illik 2 dəfədən çox artaraq 5,6 milyona yaxınlaşacaq.
 
 
"Üçölçülü çap texnologiyalarının keyfiyyətini və məhsuldarlığını yüksəldən innovasiyaların sürətli inkişafı «3D» printerlərə həm istehlak, həm də korporativ tələbatı stimullaşdırır" - «Gartner»in tədqiqatlar üzrə vitse-prezidenti Pit Basiler bildirib.
 
 
«Gartner»in analitiklərinin proqnozuna görə, 2015-ci ildə 0-2500 dollar aralığında satılan «3D» printerlərin 25 faizi qiyməti 1000 dollaradək olan printerlərin payına düşəcək. 2019-cu ilə bu göstərici 40,7 faizədək artacaq.
 
 
Emil Hüseynov
 
 
 

---