Sumqayıt avtobuslarında yeni çiplər tətbiq ediləcək

Azərbaycan Nəqliyyat Nazirliyinin Dövlət Avtomobil Nəqliyyatı Xidmətinin Sumqayıt Regional Şöbəsi şəhərdə fəaliyyət göstərən şəhərdaxili marşrutlarda "QR Code" quraşdıracaq.
 
"ICTnews" xəbər xidmətinin məlumatına əsasən, "QR Code" çipləri vasitəsilə istənilən sərnişin sürücü tərəfindən yol verilən qayda pozuntusu ilə bağlı şikayətini Sumqayıt Regional Şöbəsinin məlumat mərkəzinə avtomatik şəkildə öturəcək.
 
Lakin bunun üçün sərnişinlərin "Android" əməliyyat sistemini dəstəkləyən qurğusu və xüsusi yüklənmiş proqramı olmalıdır. Məlumat mərkəzində daxil olan informasiya dərhal təhlil ediləcək və müvafiq tədbirlər həyata keçiriləcək.
 
Yaxın günlərdə yeni sistem istifadəyə veriləcək.
 
Aynur Vəliyeva
 
 

---