«Microsoft» əməliyyat sistemləri bazarına nəzarət edir

«Microsoft» yaxın 2-3 ildə «Windows 10» əməliyyat sistemi ilə işləyən qurğuların sayını milyarda çatdırmağı planlaşdırır.
 
 
«ICTnews.az» saytı «macdigger.ru» saytına istinadən yazır ki, lakin «StatCounter» analitik şirkətinin yeni statistikasına əsasən, 6,93 faiz paya sahib «Windows 10» ƏS-i yalnız beşinci pillədə qərarlaşıb. Nəticədə 29 iyul tarixində çıxarılmış platformanın bazar payı (6,93 faiz) «Windows 8» (3,29 faiz) və «Windows Vista» (1,87 faiz) sistemlərinin birgə göstəricisini ötür, ancaq platforma əvvəlki kimi bazar payı 8,44 faiz təşkil edən «OS X» sistemindən geri qalır.
 
 
Analitik şirkətin məlumatına əsasən, «Windows 7» sisteminin bazar payı 52,57 faiz təşkil edir və bu bazarda liderdir. Əməliyyat sistemləri bazarında ikinci və üçüncü pillələrdə müvafiq olaraq 13,54 və 9,48 paylara sahib «Windows 8.1» və «Windows XP» qərarlaşıb.
 
Emil Hüseynov

---