Mobil operator gündəlik internet paketinin qiymətini artırır

Azərbaycanın ilk mobil rabitə operatoru "Bakcell" şirkəti "CINeration"da gündəlik internet paketinin qiymətini artırır.
 
"ICTnews" xidmətinin məlumatına əsasən, oktyabrın 16-dan etibarən "CINeration" tarifində gündəlik internet paketinin qiyməti 5 qəpik bahalaşaraq 10 qəpik təşkil edəcək.
 
Xatırladaq ki, "Bakcell" şəbəkəsi 5000-dən artıq baza stansiyası sayəsində əhalinin 99%-ni, ölkə ərazisinin isə 93%-ni (işğal olunmuş ərazilər istisna olmaqla) əhatə edir.
 
"Bakcell"in "3G" xidməti əhalinin 85%-ni, ölkə ərazisinin isə 70%-ni (işğal olunmuş ərazilər istisna olmaqla) əhatə edir və bütün bölgələrdə təklif olunur.
 
Aynur Vəliyeva

---