Azərbaycanın cənub bölgəsində TV və FM proqramlarının yayım vəziyyəti araşdırılıb

Rabitə və Yüksək Texnologiyalar Nazirliyinin Dövlət Radiotezliklər İdarəsi (DRİ) cənub bölgəsində radiomonitorinq işləri aparıb.
 
DRİ-dən verilən məlumata görə, radiomonitorinq Biləsuvar, Cəlilabad, Masallı, Lənkəran, Yardımlı, Lerik və Astara rayonlarını əhatə edib.
 
Radiomonitorinq TV və FM proqramlarının yayım vəziyyətinin araşdırılması məqsədi daşıyıb.
 
Bu işləri idarənin Radiomonitorinq şöbəsinin mütəxəssisləri RYTN-in İnfrastrukturun inkişafı şöbəsi ilə razılaşdırılmış qrafikə uyğun həyata keçirib.
 
CAHANGİR

---