Britaniyalılar “Samsung”-a “Galaxy”-ni ən nazik smartfon adlandırmağı qadağan ediblər

Britaniyalılar faydalı əməklə məşğul olmaqdan yorulmurlar və beləliklə, bütün dünyanı daim maraqlı tədqiqatlarla sevindirirlər.

Bu dəfə Böyük Britaniyanın reklam standartları üzrə departamenti 2 smartfonun – “iPhone 4” və “Samsung Galaxy S II”-nin qalınlığını ölçüb.

Britaniya tənzimləyicisi Koreya korporasiyasına “Galaxy S II”-ni dünyada ən nazik smartfon adlandırmağı qadağan edib. Bu göstərici üzrə əvvəlki kimi “iPhone 4” liderlik edir, onun qalınlığı 9,3 millimetr təşkil edir.

Ekspertlər bildiriblər ki, Koreya qurğusunun qalınlığı əsasən 8,7 millimetri ötmür, lakin aparatın aşağı hissəsində 9,9 millimetrə qədər qalınlıq var.

---