Smartfon vasitəsilə internet bankçılıqdan necə təhlükəsiz istifadə etmək olar?

Hər dəfə müştərilər mobil qurğu vasitəsilə internet bankçılıq xidmətlərinə qoşularaq rəqəmli təhlükəsizlik qaydalarına riayət etmədikdə könüllü şəkildə fırılqdaqçılara onların məlumatlarına giriş imkanı yaradırlar. Latviya kommersiya bankları assosiasiyası smartfon üzərindən internet bankçılıq xidmətlərindən istifadə zamanı riayət edilməli olan qaydaları açıqlayıb.

İnternet brauzerlər təhlükəsiz deyil

Mobil qurğularda internet brauzerdən deyil, xüsusi mobil proqramlardan istifadə etmək lazımdır.

Xüsusi mobil tətbiq - bu, mobil qurğularda internet bankçılıq xidmətlərindən ən təhlükəsiz istifadə üsuludur. Xüsusi əlavəni yalnız rəsmi saytlardan («Google Play» və ya «Apple AppStore») yükləmək lazımdır.

«Wi-Fi» təhlükəsiz deyil

İctimai simsiz şəbəkələr («Wi-Fi») vasitəsilə internet bankçılıq xidmətlərindən istifadə etmək lazım deyil.

Hərçənd ki internet bankçılıq xidmətləri öz məlumatlar axınını şifrləyir, ictimai simsiz şəbəkələrə nəzarət mürəkkəbdir və hakerlərə hücum üçün əlavə imkanlar yaradır. İnternet bankları mobil operatorlar tərəfindən təmin edilən internet qoşulma («3G», «4G») və ya təhlükəsiz simsiz şəbəkələrdən istifadə etməlidirlər.

Smartfonun təhlükəsizliyini təmin edin

Əksər hallarda insanlar öz fərdi məlumatlarını smartfonda saxlayır. Bundan başqa, smartfondan, həmçinin başqa insanlar (məsələn, dost) istifadə edə bilər. Buna görə, ilk növbədə smartfonda təhlükəsizlik kodu quraşdırmaq lazımdır. İkincisi, antivirus proqram təminatı quraşdırmaq və müntəzəm yeniləmək lazımdır. Üçüncüsü, məxfi məlumatları kodlaşdırmaq lazımdır: qurğu itirildikdə və ya oğurlandıqda informasiyaya müdaxilə qeyri-mümkün olacaq.

Emil Hüseynov