Azərbaycanlı alimin İKT sektorunun strateji perspektivlərini əks etdirən məqaləsi ümumdünya elmi axtarış sisteminə daxil edilib

Azərbaycanlı alimin İKT sektorunun strateji perspektivlərini əks etdirən məqaləsi ümumdünya elmi axtarış sisteminə daxil edilib.

Sözügedən məqalənin müəllifi AMEA İdarəetmə Sistemləri İnstitutunun laboratoriya rəhbəri Robert Ə. Qarayevdir.

Alimin məqaləsi “http://cyclopaedia.net” ümumdünya elmi axtarış sisteminin "Communication in Azerbaijan" bölməsində yer alıb.

Məqalə Rusiyanın aparıcı ali məktəblərinin TOP-10-luğuna daxil olan və elmi-tədqiqat universiteti statusuna malik olan Ali İqtisadiyyat Məktəbinin “Biznes-informatika” 3(21), 2012 jurnalında dərc olunub.

Məqalədə Respublika İKT sektorunun strateji perspektivləri “İnkişaf Konsepsiyası “Azərbaycan 2020: gələcəyə baxış” kontekstində tədqiq olunur.

Qeyd edək ki, “Communication in Azerbaijan” termini ingilisdilli “Vikipediya”nın tərkibindədir və respublikanın kommunikasiya sahəsindəki çox mühüm elmi problemlərini təyin edir.

Həqiqət İSABALAYEVA