"Vikipediya" onlayn ensiklopediyası insan biliyinin 5 faizini əhatə edir

Dünyanın ən böyük internet ensiklopediyası olan "Vikipediya"da ingilisdilli məqalələrin sayının 5 milyonu ötməsinə baxmayaraq, onlar insan biliyinin yalnız 5 faizini əhatə edir.
 
 
«ICTnews.az» saytı «gazeta.ru» saytına istinadən yazır ki, "Vikipediya" onlayn ensiklopediyasında təxminən 3 milyard söz, 18 milyon istinad və 30 TB məlumat toplanılıb ki, bu da təxminən 510 min saat 128 kb/s-lik audio ilə ekvivalentdir. Dəqiqədə 300 söz olmaqla onlayn ensiklopediyanı tamamilə oxumaq üçün 19 il vaxt lazımdır.
 
 
Sözügedən resursda növbəti populyar dillər İsveç (2 milyon məqalə), alman (1,87 milyon məqalə), holland (1,84 milyon məqalə) və fransız (1,69 milyon məqalə) dilidir.
 
 
Emil Hüseynov

---