“Juniper Networks” Bakıda yeni proqram həllərini nümayiş edəcək

“Juniper Networks” şirkəti noyabrın 19-da Bakıda yerli İT mütəxəssisləri üçün seminar keçirəcək.
 
“ICTnews” xəbər xidmətinin məlumatına əsasən, seminar çərçivəsində iştirakçılar “Juniper Networks” şirkətinin marşrutlaşdırma və kommutasiya, məlumat emalı mərkəzinin yaradılması arxitektoru  üzrə həlləri ilə tanış olacaqlar, təhlükəsizlik sahəsində “Juniper Networks” həlləri haqda məlumat əldə edəcəklər.
 
Tədbirdə eyni zamanda virtuallaşdırılmış “vMX” və “vSRX” məhsulları haqda məruzə təqdim ediləcək.
 
Aynur Vəliyeva
 

---