“Milli Net 2015” müsabiqəsinə 304 sayt təqdim edilib

Bu günə qədər Milli İnternet Mükafatına  - “Milli Net 2015”  müsabiqəsinə 304 sayt təqdim edilib. Onlardan yalnız 237-si müsabiqə şərtlərinə uyğun olduğu üçün qəbul edilib.
 
“ICTnews.az” elektron xəbər xidməti bildirir ki, bu barədə Azərbaycan İnternet Forumunun prezidenti Osman Gündüz özünün “Facebook” səhifəsində məlumat paylaşıb.
 
AİF prezidenti qeyd edib ki, müsabiqəyə müraciət edənlərin çoxu 4 nominasiya üzrə özlərini sınamağa çalışırlar.
 
Belə ki, “Ən yaxşı sosial şəbəkə səhifəsi” nominasiyası üzrə 32 sayt, “Korporativ saytlar” nominasiyası üzrə 23 sayt, “Xidmət (Servis)” nominasiyası üzrə 23 sayt və “Elm və təhsil” nominasiyası üzrə 21 sayt təqdim edilib.
 
Məlumat üçün bildirək ki, qeydiyyat “millinet.az” portalında davam edir və bu ayın 25-də başa çatacaq.
 
O.Gündüz qeyd edib ki, müsabiqədə 1-ci mərhələ qiymətləndirmə 21 noyabrda başlanacaq. Qiymətləndirmə 15 dekabradək başa çatacaq. “Yekun təqdimat mərasimi dekabrın 2-ci ongünlüyündə nəzərdə tutulur”.
 
 
SEYMUR

---