Rusiyada Milli Robot Texnikası İnkişafı Mərkəzi yaradılacaq

Rusiya Prezidenti Vladimir Putin “Milli texnologiyalar və robot texnikasının baza elementlərinin inkişafı mərkəzinin yaradılması haqqında” fərman imzalayıb.

Fərmana görə, mərkəzin əsas funksiyaları hərbi, xüsusi və ikili təyinatlı robot texnikası sahəsində monitorinq və işlərin təşkilindən ibarətdir. Mərkəzin fəaliyyətinin həyata keçirilməsinin təmini üzrə funksiyalar isə Perspektiv Tədqiqatlar Fonduna tapşırılıb.

Fərmanla həmçinin hərbi, xüsusi və ikili təyinatlı robot texnikası kompleksləri Rusiya Federasiyasında elm, texnologiyalar və texnikanın inkişafının prioritet istiqamətləri sırasına daxil edilib, - “www.lenta.ru” yazır.