Niderland hökuməti xüsusi xidmət orqanlarının şifrlənmiş məlumatlara müdaxiləsinə imkan verməyəcək

Niderland hökumətinin rəsmisi bildirib ki, informasiya texnologiyaları (İT) sektorunda fəaliyyət göstərən şirkətlər şifrlənmiş məlumatları xüsusi xidmət orqanları ilə bölüşməyə məcbur deyillər.
 
Niderland hökumətinin bu addımı ABŞ və Böyük Britaniyanın mövqeyinə ziddir. Belə ki, ABŞ və Böyük Britaniya hakimiyyəti iddia edir ki, terrorizmlə mübarizə aparmaq üçün hüquq-mühafizə orqanlarının bu məlumatlara çıxışı vacibdir.
 
"ICTnews" elektron xəbər xidməti "bbc.com" resursuna istinadən yazır ki, Niderland ötən ilin noyabrında Parisdə baş vermiş terror hadisəsindən sonra İT sektorundakı siyasətinə yenidən baxıb.
 
Şifrləmə tərəfdarlarının iddiasına əsasən, bu addım istifadəçiləri onların şəxsi yazışmalarına müdaxilə etmək istəyən kibercinayətkarlardan qoruyur.
 
Emil Hüseynov
 

---