Sosial şəbəkələrdə aktiv istifadəçilər daha tez-tez haker qurbanı olurlar

Ekspertlər əmindirlər ki, şəbəkədə istifadəçilərin aktivlik səviyyəsi onların fərdi məlumatlarının oğurlanması riski ilə birbaşa əlaqəlidir.

Risklərin idarə olunması üzrə “ID Analytics” şirkətinin araşdırmasına əsasən, şəbəkədə daha aktiv istifadəçilər 4 dəfə daha çox fərdi informasiya oğurluğunun qurbanı olurlar. Ekspertlər şəbəkə aktivliyi dedikdə fərdi informasiyanın müxtəlif onlayn kanallar vasitəsilə yayımını nəzərdə tuturlar.

“ICTnews” Elektron Xəbər Xidməti “psm7.com” saytına istinadən yazır ki, “ID Analytics” şirkəti təhlükəsizlik səviyyəsini müəyyənləşdirmək üçün aktiv sosial profillərin sayını təhlil etməyi tövsiyə edir. İnternetdə özünüz haqda informasiyanın az olması sizi hakerlər üçün çətin hədəfə çevirir. Fərdi məlumatların oğurlanması riskini azaltmaq üçün haqqınızda paylaşdığınız informasiyaya və onu dərc etdiyiniz resurslara qarşı diqqətli olmaq lazımdır.

Emil Hüseynov