“Android” ABŞ-da mövqeyini gücləndirməyə davam edir

ABŞ-da “Android” mobil əməliyyat sisteminin populyarlığı əvvəlki kimi artmaqdadır.

“Nielsen” tədqiqat şirkətinin yeni hesabatında bildirilib ki, cari ilin avqust ayında ABŞ-da bütün smartfonlar arasında “Google” şirkətinin məhsulu olan “Android” mobil əməliyyat sisteminin payı 43% təşkil edib.

Məlumat üçün qeyd edək ki, keçən ay bu göstərici 40% olub. “Apple” smartfonlarının payı isə 28% olaraq qalıb.

Eyni zamanda, “RİM” şirkətinin məhsulu olan “BlackBerry” smartfonlarının payı 1% azalaraq 18% olub. Analitiklər qeyd edir ki, “Microsoft” şirkətinin mobil əməliyyat sisteminin payı əhəmiyyətli dərəcədə azalıb və “Nielsen” hesabatında “Digərləri” kateqoriyasına daxil edilib.

---