“WhatsApp”da mətnli statuslar bərpa olunur
“WhatsApp” messenceri mətnli statusları bərpa etməklə bağlı qərar qəbul edərək növbəti həftədən etibarən klassik funksiyadan “Android”, daha sonra “iOS” istifadəçilərinin yararlana biləcəklərini açıqlayıb.
“ICTnews” Elektron Xəbər Xidməti “
Macdigger” resursuna istinadən yazır ki, cari ilin fevralında messencerdə mətnli statuslar ləğv edilərək yeniləri ilə əvəz olunub və istifadəçilər üçün dostlara 24 saatdan sonra avtomatik yoxa çıxan fotoşəkillər vasitəsilə nə ilə məşğul olmaq barədə məlumat vermək imkanı yaradılıb. Lakin əksər istifadəçilər bu funksiyanı “gənclər üçün oyuncaq adlandırıb.
Bununla belə, bu yaxınlarda “WhatsApp”ın beta versiyasında köhnə funksiya yenidən bərpa edilib. Digər istifadəçilərin başqalarının kontaktlarına baxan zaman görə biləcəkləri məlumatları profil funksiyaları vasitəsilə əlavə etmək mümkün olacaq.
Bundan sonra yenilənmə istifadəçi kontakta baxanda, məsələn yeni çat yaradılanda və ya qrup barədə informasiya nəzərdən keçiriləndə hər dəfə profilin adının yanında görünəcək.
Şirkətin mətnli statusların bərpası ilə bağlı qərarı tərtibatçıların istifadəçilərin fikrinə tez reaksiya verməsindən xəbər verir.
Nizam Nuriyev