Bütün yeni qurulan bagçalarda online nəzarət sistemi tətbiq edilə bilər

Təhsil Nazirliyi tərəfindən tamamilə yenidən qurulan bagçalarda online nəzarət sistemi tətbiq edilə bilər. Bu barədə nazirlikdən verilən məlumatda bildirilir.

Ən müasir tələblər səviyyəsində yaradılan bağçalarda dünya standartlarına uyğun şərait formalaşdırılacaq. Müasir uşaq bagçalarında valideynlər internet vasitəsilə online rejimdə uşaqları müşahidə etmək imkanı əldə edəcəklər.

Artıq bu təcrübə bir çox özəl bagçalarda tətbiq edilib. Burada quraşdırılan müşahidə kameraları ilə valideynlər bütün günü övladlarının nə etməsi ilə maraqlana bilərlər.

Qeyd edək ki, Təhsil Nazirliyi “Azərfon” MMC ilə bir neçə məktəbdə də uyğun layihəni reallaşdırıb.

---