Yeni nəsil prosessorlar (VIDEO)

İndi AMD şirkəti rəsmən əvvəllər Llano kod adı ilə məlum olan A-Series hibrid prosessorlarını elan edib.
Portativ kompyuterlərdə istifadə üçün nəzərdə tutulmuş cəmi 7 çip təqdim edilib. Onlardan beşi 4 nüvə və 4 MB ikinci səviyyə keşə, digər ikisi isə 2 nüvə və 2 MB keşə malikdirlər. Llano-un nominal takt tezliyi 1,4-dən 2,1 QHz-ə qədər dəyişilir; Turbo Core məhsuldarlığının artırılması texnologiyası dəstəklənir.
A-Series prosessorları 32 nanometr texnologiya üzrə istehsal edilir; yayılan istilik enerjisinin (TDP) maksimal qiyməti — 35 və ya 45 Vattdır. Çiplər DDR3 yaddaş kontrolleri ilə və DirectX 11 (axın prosessorlarının sayı 240-dan 400-ə qədər təşkil edir) proqram interfeysinin dəstəyi ilə Radeon HD 6000 sinfinin birləşdirilmiş qrafik kontrolleri ilə təchiz olunub. “Perfect Picture HD və Steady Video” texnologiyaları təsvirin, həm də yüksək dəqiqlikli videonun yaxşılaşması üçün cavab verir.
AMD bəyanatına əsasən, A-Series məmulatları əsasında noutbuklar bütün iş günü ərzində - 10.5 saatdan çox akkumulyator batareyasının yenidən yükləməsində işləyə biləcək. Aparıcı istehsalçılar yeni prosessorla onlarla kompyuter modellərini hazırlayırlar.