Rabitə və İnformasiya Texnologiyaları Nazirliyinin elektron xəbər xidməti
“3D” virtual reallıq proqramı yaradılıb (VİDEO)
“Google” şirkəti istifadəçilərə üçölçülü “Google – Blocks” virtual reallıq redaktorunu təqdim edib.
“ICTnews” Elektron Xəbər Xidməti “Hi-Tech” resursuna istinadən yazır ki, istifadəçilərə virtual dünya qurmağa imkan verəcək proqramın iş prinsipi “Rubik kubiki” oyununa bənzəyir.
Məlumata görə, ondan istifadə çox asandır. İstifadəçi ayrı-ayrı bloklar vasitəsilə virtual dünyasını yaradır və ya mövcud olanları redaktə edir. Həmçinin, proqramın yüklənilməsi pulsuzdur. “Google – Blocks” proqramından istifadə etməklə obyektləri rəngləmək, onların formasını və ya yerlərini dəyişdirmək mümkün olacaq.
Proqramçılar ümid edir ki, “3D” redaktor təşəkkül taparaq istifadəçilərin bütün arzularını həyata keçirəcək.