“Mozilla”: 2010-cu ildə gəlirlər 18% artıb

Məşhur “Firefox” səyyahının yaradıcısı “Mozilla Foundation” şirkəti 2010-cu ilin maliyyə hesabatını dərc edib.

Şirkətin gəlirləri 2009-cu ildə 104 milyon dollar olub. 2010-cu ildə isə 18% artaraq 123 milyon dollar olub. Xərclər də, həmçinin artıb. 2010-cu ildə “Mozilla” şirkəti 87 milyon dollar xərcləyib.

Qeyd edək ki, 1 il əvvəl bu məbləğ 61 milyon dollar olub. Bu barədə şirkətin vergi sənədləşməsində qeyd edilib. 2010-cu ildə, həmçinin “Mozilla” şirkətinin xalis gəliri 26 milyon dollardan 22 milyon dollara kimi azalıb.

---