“Azərpoçt” MMC daha iki məntəqədə bankomat qurdu

“Azərpoçt” MMC öz müştərilərinə POS-terminal və ATM-lər vasitəsilə xidmət göstərir. Müəssisədən verilən məlumata görə, bu istiqamətdə həyata keçirilən layihənin tərkib hissəsi olaraq daha iki məntəqədə - Poçtdaşıma Mərkəzində və 4 saylı Poçt filialının 44 saylı Poçt şöbəsində müəssisəyə məxsus bankomatlar qurulub.

Müəssisədən bildirilib ki, cari ilin sonunadək respublika daxilində 30-dək “Azərpoçt” MMC-yə məxsus olan ATM-lərin quraşdırılması nəzərdə tutulub. Qeyd edək ki, “Azərpoçt” MMC-nin tabe müəssisələrinin 700-ə yaxın əməkdaşı əməkhaqlarını plastik kartlarla alır.

---