8K təsvir ölçüsünə malik ilk 88 düymlük OLED ekran təqdim edilib
“LG” şirkəti Las-Veqasda keçiriləcək ənənəvi “CES” illik sərgisində 8K təsvir ölçüsü və OLED displeyə malik dünyada ilk 88 düymlük televizor təqdim etməyə hazırlaşır.
“ICTnews” Elektron Xəbər Xidməti “
techcult.ru” saytına istinadən yazır ki, Cənubi Koreya şirkətinin nümayəndələrinin sözlərinə görə, OLED texnologiyası işıqlandırma ilə təchiz edilmiş maye kristal panellərlə müqayisədə aşağı enerji sərfiyyatı zamanı parlaqlığı azaltmadan ultrayüksək təsvir ölçüsünə (7680 x 4320) malik görüntü təmin edir. OLED panellərdə işıqlandırma texnologiyasına ehtiyac olmadığından çox nazik hazırlana bilərlər. Yeni televizorun ekranı 33 milyon pikseldən ibarətdir.
Emil Hüseynov