“Tinder” mobil proqramında təhlükəli boşluq aşkar edilib

Hindistanlı proqramçı Anand Prakaş tərəfindən tanışlıq üçün “Tinder” mobil proqramında aşkar edilmiş təhlükəli boşluq istifadəçilərin hesablarına müdaxilə etməyə imkan verir. Bu haqda “Telegraph” nəşri məlumat yayıb.
 
“ICTnews” Elektron Xəbər Xidməti “belta.by” saytına istinadən yazır ki, ekspert bildirib ki, hakerlər 2 saniyə ərzində qurbanın hesabına müdaxilə edərək onun profili üzərində tam nəzarəti ələ keçirir. Onlar çat və fərdi informasiyaya giriş əldə edə və hesab sahibinin adından başqa istifadəçilərlə ünsiyyət saxlaya bilərlər.
 
Proqramçı bu problem haqda “Facebook” və “Tinder”in nümayəndələrinə xəbər verib və sözügedən boşluq aradan qaldırılıb. Anand aşkar etdiyi boşluğa görə 6000 dollar məbləğində pul mükafatı alıb.
 
Emil Hüseynov 

---