Çərçivəsiz və irəli çəkilən kameraya malik smartfon təqdim edilib

Çinin “Vivo” şirkəti 26 fevral – 1 mart tarixlərində Barselonada keçirilən “MWC 2018” sərgisində “Apex” adlı tamamilə çərçivəsiz konseptual smartfonunu nümayiş etdirib.

“ICTnews” Elektron Xəbər Xidməti “ferra.ru” saytına istinadən yazır ki, prototipin displeyi ön panelin 98%-ni tutur. Barmaq izləri skaneri ekrana inteqrasiya edilib. İstehsalçı vurğulayır ki, smartfon “Half-Screen In-Display Fingerprint Scanning” texnologiyasını dəstəkləyir ki, bu da eyniləşdirmə üçün barmağı kiçik piktoqramın üzərində deyil, ekranın üçdə bir hissəsini tutan sahəsinə qoymağa imkan verir.

Smartfonun daha bir özəlliyi ekranın alt hissəsində gizlədilmiş kameradır, ehtiyac olduğu halda periskop kimi irəli çəkilir. Kameranın təsvir ölçüsü 8 meqapiksel təşkil edir.

Emil Hüseynov