Əhaliyə göstərilən rabitə xidmətlərinin həcmi artıb

“Az-Evrotel” MMC daxil olmaqla Bakı Telefon Rabitəsi İstehsalat Birliyi tərəfindən əhaliyə göstərilən rabitə xidmətlərinin həcmi bir qədər artıb.

Birlikdən verilən məlumata görə, 20469.6 min manat proqnoza qarşı əhaliyə göstərilən xidmətlərin faktiki həcmi 25311.3 min manat olub. Bu da nəzərdə tutulan proqnozdan 4841.7 min manat və ya 23,7 % çoxdur.

Qeyd edək ki, 2010-cu ilin müvafiq dövrünə nisbətən əhaliyə göstərilən rabitə xidmətlərinin həcmi BTRİB üzrə 4566.2 min manat və ya 23,6% artıb.

---