“Google Play” proqramlar mağazasında şübhəli tətbiqlərin genişmiqyaslı təmizlənməsi aparılıb
"Google" şirkəti zərərli və şübhəli proqramları özünün mobil tətbiqlər mağazasından silmək üçün dəfələrlə tədbir görüb. Ancaq son təmizləmə əməliyyatında bir çox lazımsız proqram bloka salınmaqla yanaşı, həm də tərtibatçılara qarşı qoyulmuş tələblər (məsələn, smartfon üçün ən zərərli kateqoriyalardan biri olan APK fayllar həmişəlik qara siyahıya salınıb) sərtləşdirilib.
"ICTnews" Elektron Xəbər Xidməti "
4pda.ru" saytına istinadən yazır ki, ilk növbədə, kriptovalyuta əldə etmək üçün nəzərdə tutulmuş mobil proqramlar qara siyahıya əlavə edilib: bundan sonra bu tip proqramların "Play Store" mağazasında dərci qadağan edilib və gələcəkdə moderasiyadan keçə bilməyəcək. Bu halda "Google" şirkətindən bildirilib ki, kriptovalyuta pul kisələrini idarə etmək üçün proqram təminatı əlçatan olacaq: o, mayner proqramlarından fərqli olaraq prosessoru həddən artıq yükləyərək aparata zərər vurmur. Bundan başqa, istifadəçilər zəhlətökən reklamlar göstərən proqramları daha görməyəcək, onlara qarşı tələblər çox sərtləşdirilib.
Emil Hüseynov