Planşet satışları kəskin templə artır

“ABİ Research” analitik şirkətinin məlumatına əsasən, 2011-ci ilin ikinci rübündə planşet kompyuterlərinin satışları tarixində ilk dəfə olaraq netbuk satışlarını ötüb. “ABİ” şirkətinin məlumatlarına əsasən, planşetlərin tədarükləri ikinci rübdə 13,6 milyon olduğu halda, netbuk satışları 7,3 milyon ədəd təşkil edib.

Birinci rüb ilə müqayisədə netbuk satışları 13% azalıb. Əksinə, planşet satışları isə 6.4 milyondan 13.6 milyona kimi artıb. Əvvəlki rüb ilə müqayisədə artım ikiqat qeyd edilib.

---