Ən yeni “Samsung” televizorları “HDR10+” standartı üzrə sertifikasiyadan keçib
"Samsung Electronics" şirkətinin 2018-ci il model sırasına daxil olan "QLED" və "Premium UHD" televizorları "HDR10+" (High Dynamic Range – genişləndirilmiş dinamik diapazon) standartı üzrə sertifikasiyadan keçib və müvafiq rəsmi loqotiplə təchiz edilib.
"ICTnews" Elektron Xəbər Xidməti "
3DNews" resursuna istinadən yazır ki, təsviri yüksək keyfiyyətdə təmin edən "HDR10+" texnologiyası dinamik metaməlumatlardan istifadə etməklə hər səhnənin parlaqlıq səviyyəsini optimallaşdırmağa imkan verir.
Bildirilir ki, texnologiya sayəsində filmlər və digər videokontent rejissor və kinostudiyaların düşündüyü tərzdə canlandırılacaq. "HDR10+" panellərində təsvir daha dərin və realistik, maksimum parlaq, işıqlı çalarla və geniş tünd tonlarla görünəcək.
"HDR10+" texnologiyasını dəstəkləyən kontentin yaradılması ilə "Warner Bros" kinostudiyası məşğuldur. Belə materiallara evlərdə artıq bu il ərzində baxmaq mümkün olacaq.
Nizam Nuriyev