“Shuttle H7 5820S” işçi stansiyası 16 monitor dəstəkləyir

“Shuttle” şirkəti “İntel” platformasında hazırlanmış güclü “H7 5820S” stolüstü kompyuterinə sifarişlərin qəbuluna başlayıb.

Yenilik ikinci nəsil “Core i7” prosessoru ilə təchiz edilib; maksimal konfiqurasiya 3.33 QHz takt tezliyində işləyən 6 nüvəli “Core i7-980” çipindən ibarətdir. Əməli yaddaş tutumu 16 QB-a çatır; 2 TB tutumunda 2 sərt diskin quraşdırılması mümkündür. Optik sürücü (DVD və ya Blu-ray) var.

İşçi stansiyanın baza versiyasına təsviri 3 monitorda əks etdirməyə imkan verən 1 QB yaddaş ilə “Matrox M9138 LP” qrafik sürətləndiricisi daxildir.

Əlavə 2800 avro ödəməklə, hər birinin tutumu 2 QB olan 2 ədəd “Matrox M9188” videokartının quraşdırılmasını sifariş etmək olar. Bu, eyni zamanda təsviri 16 ekranda əks etdirməyə imkan yaradır.

“Shuttle H7 5820S” işçi stansiyasının ölçüləri 326×208×196 millimetr təşkil edir. Əməliyyat sistemi “Windows 7 Professional”-dır. Standart komplektləşdirmədə yenilik 1400 avroya başa gəlir. Standart komplektə “Core i7-950” prosessoru, 8 QB əməli yaddaş, 1 TB tutumlu sərt disk və “Matrox M9138 LP” kartı daxildir.

---