“Panasonic” möhkəm Android planşet hazırlayır

“Panasonic” şirkəti “İnfoComm 2011” sərgisində “Toughbook” planşet kompyuterini nümayiş etdirib.
Çox möhkəm korpusda hazırlanmış kompyuter Android əməliyyat sisteminin nəzarəti altında işləyir. Sensor multitaç-displey 10.1 düym diaqonala və XGA (1024×768 kəskinliyə) malikdir; barmaqla və elektron qələmlə idarəetmə dəstəklənir.
Planşet haqqında informasiya çox azdır. Yalnız bildirilib ki, kompyuter GPS peyk naviqasiya sisteminin qəbuledicisi və mobil şəbəkələrdə iş üçün 3G/4G modulu ilə komplektləşdirilə bilər.
Akkumulyatorun 1 dəfə yüklənməsi qurğunun təxminən 8 saat avtonom rejimdə işləməsinə imkan verir.
Planşetin nə vaxt çıxacağı və hansı qiymətə olacağı isə bildirilməyib.