Amerikalılar daha çox film almağa başlayıblar

“Digital Entertainment Group” assosiasiyası üçüncü rübdə Amerika bazarında satış və kinoməhsul kirayəsindən əldə edilən mədaxili hesablayıb.

2008-ci ilin əvvəlindən bəri ilk dəfə bu sahədə artım qeydə alınıb. İyul - sentyabr ayları ərzində videomaterialların kirayəsindən və müxtəlif daşıyıcılarda, həmçinin internet vasitəsilə fayl satışlarından əldə olunan mədaxil 3,9 milyard dollar təşkil edib. Bu göstərici 2010-cu ilin analoji dövrü ilə müqayisədə 5% çoxdur.

DVD disklərə tələbat 1 il ərzində 15% azalıb. Bununla belə “Blu-ray” disklərinin satışları 156 milyon dollar artaraq 423 milyon dollar təşkil edib Veb-mağazalar vasitəsilə filmlərin satışları təxminən 136 milyon dollar qazandırıb.

---