Naxçıvan MR-in telefon şəbəkəsi yeddirəqəmli nömrə sisteminə keçib

Naxçıvan Muxtar Respublikasının (NMR) ümumi telefon şəbəkəsi yeddirəqəmli nömrə sisteminə keçib. Yeddirəqəmli sistemə keçidin əsas məqsədləri NMR-in telefon sisteminin beynəlxalq standartlara uyğunlaşdırılması, eləcə də telefon şəbəkəsinin nömrə tutumunun artırılmasıdır.

Yeni nömrə sisteminə keçidlə əlaqədar NMR-in Şərur rayonunun telefon nömrələrinin "44"-lə başlayan (məsələn, 44-XX-XX) ilk iki rəqəmi 552 nömrəsi ilə (məsələn, 552-XX-XX) ilə əvəz edilib, "40"-la başlayan (məsələn, 40-XX-XX) Naxtel şəbəkəsinin telefonları "554" (məsələn, 554-XX-XX) ilə əvəz edilib. NMR-in ümumi telefon şəbəkəsinin bütün digər telefon nömrələri qarşısına "5" rəqəmi əlavə edilib.

Əlavə məlumat almaq üçün "209" nömrəli telefonla NMR Rabitə və İnformasiya Texnologiyaları Nazirliyinin "qaynar xətti"nə zəng etmək olar.

№	Rayonların adları	Mövcud nömrə planı	Yeni nömrə planı
1	Babək rayonu	41-XX-XX	541-XX-XX
2	Şərur rayonu	42-XX-XX	542-XX-XX
2	Şərur rayonu	44-XX-XX	552-XX-XX
3	Şahbuz rayonu	43-XX-XX	543-XX-XX
4	Culfa rayonu	46-XX-XX	546-XX-XX
5	Ordubad rayonu	47-XX-XX	547-XX-XX
6	Kəngərli rayonu	48-XX-XX	548-XX-XX
7	Sədərək rayonu	49-XX-XX	549-XX-XX
8	NAXTEL-stasionar telefonu	40-XX-XX	554-XX-XX