RİTN- nə daxil olan müraciətlərin hamsı müsbət həll olunub

2011-ci ilin 9 ayı ərzində Rabitə və İnformasiya Texnologiyları Nazirliyinin Mərkəzi Aparatında, rabitə birlik və müəssisələrində vətəndaşların qəbul olunması, RİTN-ə daxil olan ərizə, şikayət və digər müraciətlərin diqqətlə araşdırılması, xidmət mədəniyyətinin yüksəldilməsi istiqamətində müəyyən işlər görülüb.

Hesabat dövründə vətəndaşlardan birbaşa RİTN-nə daxil olan müraciətlərin sayı ötən ilin müvafiq dövrü ilə müqayisədə 331 ədəd artaraq 1758 ədəd təşkil edib.

Hesabat dövrü ərzində daxil olan 1758 müraciətdən 204-ü işlə təmin olunma, 166-sı telefon çəkilişi, 177-si telefonun işləməməsi, 129-sı maddi yardım verilməsi və s. məsələlərlə əlaqədar olub.

Hesabat dövrü ərzində vətəndaşların müraciətlərinin daha da operativ həll olunması məqsədilə yaradılmış «qaynar xətt»ə daxil olmuş 891 müraciətdən hamısı müsbət həll olunub.

---